特首林鄭月娥今早（4 日）出席立法會問答大會時，公布將向立法會提交修訂醫生註冊條例草案，引入更多非本地培訓醫生，並指目的是紓緩公營醫療系統醫生短缺。（見另稿）但兩名醫委會委員接受《立場》訪問時，均表明對政府的想法有憂慮。
其中病人組織代表林志釉直言，若「非本地醫生」包括中國培訓的醫生，由於其質素參差，擔心拉低醫療質素。公共醫療醫生協會會長馬仲儀則重申，現時的考試制度行之有效，又認為「有啲係醫委會做嘅嘢，特首自己定斷咗。」馬反問，「到底畀佢喺度工作嘅公營機構，例如醫管局，點負起把關責任…到底我哋工作嘅時候，要點樣評核呢個人，評核有無考試咁全面？」
林：呢一日終於嚟到
醫委會委員，病人組織代表林志釉向《立場》表示，自他進入醫委會的兩年間，都沒有聽過政府有就放寬非本地醫生註冊的題目，諮詢過醫委會意見，但他直言，不同的政黨，以至市民都有提出過這個題目，認為是「呢一日終於嚟到」。
他續指，現時香港也有「非本地註冊」的制度，「海外、澳門、內地…喺當地做過一啲服務、拎到醫生執照嘅，喺兩大公營機構醫管局、衛生署，同埋兩間大學工作，其實而家都做緊。」但他關注，指林鄭的說法，「似係有一啲，唔使考試，喺公營工作咗一段時間，就可以出去私營市場執業」。
「如果無咗考試呢一關，非本地註冊醫生喺外地接受訓練，水平去到咩位置？如果唔使考試，單靠喺公營機構工作，係咪都確保佢哋有足夠水平？」他又指，假如醫生水平不足，「到有事先去懲處就太遲，大家都唔想。」
他又提到，客觀事實上，過去數年來香港參加執業試的醫生中，「國內（醫生合格率）係偏低。你話執業試合格率低，好多時都係國內註冊醫生拖低合格率。」他認為中國培訓不乏高水平醫生，但「問題係太參差，好高水平又有，好低水平又有」、「如果有個門檻，畀佢哋工作，進而有私人執業機會，都會擔心（醫療）水平會下降。」
但他直言，現時立法會內仍有一名醫生的業界代表，而且醫療事關公眾利益，認為這不只是醫委會的事，希望市民也能踴躍發聲，「希望特首都會聆聽民意。」
馬：醫管局點負起把關責任？
另一名醫委會委會，公共醫療醫生協會會長馬仲儀亦表明，醫委會的權力「係政府賦予，政府當然有權拎番」，但她也直言「醫委會係有個把關專業嘅工作」，「的確有啲嘢，係醫委會做嘅，特首自己就定斷咗。」
但馬仲儀同時強調，業界的意見已十分清楚，「就係堅持考試制度，呢個係行之有效。」她重申，業界「從來無抗拒合資格嘅人返嚟」，而擔心的是，若未來取消考試，醫管局等公營機構要在未來負起責任去審核，「到底畀佢喺度工作嘅公營機構，例如醫管局，點負起把關責任…到底我哋工作嘅時候，要點樣評核呢個人，評核有無考試咁全面？」
她又指，審視現時公院醫生的人手壓力，「最嚴峻已經過咗，離職去私營市場嘅同事已經少咗」，同時因經濟下行，認為政府亦不會大力擴展醫療，「空缺唔係想像中咁嚴重…呢個係唔係為公立醫院提供人手嘅好方法？」
《立場》亦正向醫管局及醫專查詢，正待回覆。
