圓玄小學上周德育課堂播放一條由教育局提供的「南京大屠殺」短片，內容有血腥殘暴畫面，導致學生恐慌嚎哭，家長不滿。香港資助小學校長會名譽主席張勇邦指出，涉事教材涵蓋小一至中六，而且發放過程倉卒，教育局應該提供更清晰指引。他本身的小學及其認識的大部分學校，都不會採用該影片。
今年是南京大屠殺 84 周年，根據教育局早前向全港校長發出的通函，全港學校須於今日 (13 日) 舉辦「南京大屠殺死難者國家公祭日」悼念活動。有學校近日已陸續展開相關教育課堂，其中屯門保育局香港道教聯合會圓玄小學就在上周的一個德育課堂中播放教育局提供的「南京大屠殺」短片，片段展示日軍處決中國百姓、嬰幼兒屍體遍地場面，引致學生恐慌嚎哭，家長不滿。
本身是聖公會聖雅各小學校長的香港資助小學校長會名譽主席張勇邦今早接受商業電台節目《在晴朗的一天出發》訪問時稱，他的學校一早已經決定不會播放這影片，而他認識的校長，大部分亦都不會採用。
他解釋：「你諗下呢個片，一發放過來嘅時候，你涵蓋晒小一至中六，冇可能一個教材或者學材係適用晒中小學架嘛。」他指出，教育局發放教材的時候，沒有標明影片適用於甚麼級別的學生，「我諗今次可能有一啲倉卒，發放呢啲教育局訊息嘅時候，都係 11 月下旬，到學校要消化嘅時候，可能都要啲時間嘅」。
「我哋睇電影都有 PG 架嘛」
教育局辯稱，向全港學生提供教材時，並無硬性規定所有學校，無差別地向所有班級的學校播放有關真實內容。但無論如何，戰爭本身是殘酷，必須從歷史中學會珍惜和平、尊重生命、寛恕別人、愛護國家。
張勇邦認為，雖然歷史片段有助引證史料的真確，但仍須有指引如何使用，「我諗個問題就係，有歷史嘅片段可能引證咗個真確性。但係有啲畫面，正如我哋睇電影都有 PG 架嘛，有家長指引。我諗呢個係需要大家都要正視個影片帶來嘅影響，因為喺電檢制度裏面都有一個分級架嘛」。
他續說，教育局應該提供更仔細及清晰指引，而學校也須把關，「我覺得如果單係做呢個課，播片去講都不足嘅。如果你要詳細理解，你喺之前嗰啲嘅教導，成個侵華歷史背景，去到你就算處理咗南京大屠殺呢件事，之後有冇一個解說呢？去教導嘅咩呢？」
