古有 15 歲反國教 今有 11 歲落社區

0
40

今日上完庭之後入到大西北,同近排做區好受關注既小六同學仔王繼祖(Joel)傾計,諗住以前「中學生反國教」已經好少見,呢個記錄應該無乜人會刷新,誰不知今時今日香港已經進化到有「小學生落社區」。

作為曾經15歲開始投入社會運動既「過來人」,如今雖然已經老到變左「senior young activist」,但見到年齡比我更加細既同學仔,11歲都已經拋個身出來,心感佩服之餘,亦都反映政權同呢個社會有幾荒謬。

同佢傾計既,我地兩個不約而同咁都有講到,咁細年紀投入公共事務既話,的確有好多傳媒關注,而最得意既係我講返當年被記者問既問題,佢話同佢近來接受傳媒訪問既問題,都係近乎一模一樣咁樣。

同時間,我都有問佢係咪聽到好多大人同佢講話「香港既未來靠曬你」,佢都立即講話成日聽到,我就提及以前自己成日強調「呢句說話難聽過粗口」,佢都話唔鐘意聽到呢句野,因為好似好大壓力,交曬責任落我地度。

點都好,呢個咁惡劣既時勢,有小學生關心公共事務,願意為社區同社會發聲實在好唔簡單,希望大家可以比多點鼓勵佢地,我都會將鼓勵既留言轉發比佢地睇,加油!

請大家 follow 佢個page
 作者 facebook
 

发表评论