立法會今（27 日）通過2021年完善選舉制度 （綜合修訂）條例草案，民主派參選意向未明，「中間派」隨時取代充當「忠誠反對派」。民協前主席馮檢基認為，自己仍是「無黨派民主人士」，但對參選「完全冇諗過」，但認為應視立法會為工具，發揮議員的影響力改善民生，不同意民主派當選後會淪為「花瓶」。政治學者袁彌昌則對會否參選抱持觀望態度，期望立法會仍有傳統大黨的聲音，相信中央不希望立法會「清一色」，但認為現時民主黨等傳統大黨傾向不參選，擔心隨著更多政治敏感日子將至，民主派人士參選氣氛只會更差。
馮檢基：中國式選立法會制度
馮檢基接受《立場新聞》訪問時指，他認為新的選舉制度是「中國式選立法會制度」，與香港一直以來的路線完全不同，「蘋果換咗個橙，兩樣係唔同既嘢，以前個橙好多汁，而家蘋果硬淨淨」；雖然兩者性質不同，但他認為新的制度不一定較差，「係咪一定唔好呢？每個人自己有唔同立場，可能有唔同角度，有唔同結論。」
至於民主派人士是否應該參選，馮檢基認為，若在政治上希望有角色，特別是希望改善民生，在制度下鼓吹民主，應該要參選，重點是《基本法》仍然寫明最終要普選立法會及特首，這最終目標並無改變。
不認同民主派淪為「花瓶」
被問及民主派當選後會否成為「花瓶」或「忠誠的反對派」？馮檢基則反問「係咪你要過半數先叫唔係花瓶呢？」他以美國選舉為例，「美國民主黨及共和黨，民主黨兩個議會都過半數，共和黨係咪花瓶呢？係咪因為花瓶，所以就唔參選呢？」他強調，不論區議會或立法會，本質上都對政府無制約性，「所有議會制度都冇約制性，區議會都係冇，點解區議會又要做呢？點解立法會唔做呢？」
馮檢基認為，無論是否花瓶，立法會議員的影響力都不單在議會，不應視立法會為目的，而是作為工具，即使當年民協只有他一個立法會議員，他亦能推動及改善不少房屋政策。他又批評，若任何人認為立法會議員只是「辯論」及「舉手」，就是「唔識玩政治」。
民主派最樂觀可奪 20 席
馮檢基估計，若民主派願意參選，且能組織互選支持名單，有機會在地區直選取得 10 席，功能團體約 4 至 5 席，選委會 40 席中亦有可能有收鑊，「你唔好睇少以為選委會 40 席（民主派）一定冇份，傳統民主派搞初選俾人拉咗未必能夠參選，但係有啲民主派冇參加呢啲運動、工作，你唔好否定選委會不能當選。」他認為最樂觀民主派可在立法會奪得 20 席，最不樂觀亦可奪得 15 席。
馮檢基：冀民主派「將民主活出來」
至於他個人會否參選，馮檢基強調「完全冇諗過」，並透露 9 個月前已與朋友計劃經營生意，「當時都唔諗我會參選咁高調又搞政治，如果突然間又搞政治，咪嚇死我啲拍擋。」
他重申，自己現時是「無黨派民主人士」，自 2018 年離開民協後，「我所認識老友記，包括傳統政黨，唔係講全部，部份頭頭係做緊反民主工作，所以我對呢種運作，或者呢種價值觀、政黨暫時完全無興趣參與。」
憂民主派參選氣氛未來更差
被認為是「中間派」的政治學者袁彌昌回應《立場》查詢時分析，近期有風聲指曾借出辦公室作初選票站的溫和民主派人士，都有機會被 DQ，「如果以中央劇本，（立法會）唔可以清一色，其實應該呢啲位要網開一面，否則你叫民主黨點選？」他續指，除民主黨外，公民黨早前亦有黨員要求梁家傑解散公民黨，都反映暫時未見民主派人士有意籌組合作參選。
而六四、七一、七二一、八三一等日子將至，袁彌昌擔心隨著更多的政治敏感日子來臨，民主派參選氣氛只會更差，民主派支持者反對他們參選的態度亦會更堅定，若最終傳統民主派大黨不參選，則會是狄志遠、湯家驊、馮檢基等自稱是民主派，或他們相關的人參選。
他認為，中央的盤算是「想留返有民主黨派，未來民主化可以有推手，會得到呢班人支持，都係佢哋構想同劇本嘅一部份。」他分析，中央一開始認為只要給予民主黨特別的位置，民主黨會釋出善意或態度有轉變，但至今民主黨沒有任何讓步，「佢（中央）唔想俾香港民主派覺得係求佢，佢已經留返個位俾佢哋，如果你都冇正面回應就算數。」
袁彌昌：仍觀望會否參選
至於他自己會否參選，袁彌昌指現時仍在觀望態度，「我相信系統如果冇晒制衡、feedback，呢個系統係好差嘅系統，到時就需要有人去填返呢啲功能。」但他指，會期望立法會仍有民主黨、公民黨等民主派大黨的聲音，若最終立法會整套系統變得岌岌可危，「到時真係要諗辦法拎到入場卷，而家都冇得諗呢樣嘢。」
