2018 年「台灣殺人案」疑兇陳同佳，現時仍居住在香港警方安排的「安全屋」，尚未往台灣投案。案中死者潘曉穎的母親多次公開促請陳同佳盡快自首。林鄭月娥今（29 日）拒絕評論警隊運用資源，避談是否可跟潘太直接會面、了解其需要。潘太今午以錄音回應林鄭，指林鄭曾稱推出《逃犯條例》修訂的初心「係為咗幫阿女」，「但係依家，你（林鄭）嘅初心同以前嘅初心，點解分別咁大呢？你嘅初心究竟去咗邊度呀？」潘太強調，作為一個負責任政府，不應對事件袖手旁觀。
潘太在錄音中強調，上星期聖公會教省秘書長管浩鳴已經講明、自已並非陳同佳的「代言人」，而陳同佳犯案時已經是一位合法成年人，「咁點解仲要搵管牧師嚟到代勞呢？點解林太唔直接召見陳同佳呢？問清楚佢嘅意願呀嘛。」潘太又再次呼籲陳同佳「勇敢企出嚟，承擔自己嘅責任，馬上去台灣投案。」
林鄭月娥今早出席行會前，被《立場新聞》記者問到陳同佳居住在安全屋會否有期限，《立場》記者亦轉達潘曉穎母親希望與林鄭月娥會面的要求，並問及現時是否將陳同佳是否自首的問題「外判」給管浩鳴。
林鄭月娥回應稱，行政長官不會評論警隊日常運作，「對於潘媽媽，我早前已經講過喇，但可能我愈講，大家愈去報道，令佢情緒可能更波動。我知道，而且完全明白佢心情，但在香港，我們仍要依法處理每一件事情。」林鄭又表示管浩鳴昨日致電給她，表示本星期會跟陳同佳以及其家人見面，「睇吓到時情況點喇」，但她重申陳在香港已服刑完畢，「係自由身」。
「林太，你兩年前話畀我哋聽，你嘅初心就係為咗幫阿女呀嘛，而推出修訂《逃犯條例》，但係依家，你嘅初心同以前嘅初心，點解分別咁大呢？你嘅初心究竟去咗邊度呀？作為一個負責任嘅政府，對呢件事唔應該袖手旁觀。上星期管牧師已經講咗，唔係陳同佳「代言人」，而陳同佳犯案時已經係一個合法成年人，咁點解仲要搵管牧師嚟到代勞呢？點解林太唔直接召見陳同佳呢？問清楚佢嘅意願呀嘛。再次喺度呼籲陳同佳勇敢企出嚟，承擔自己嘅責任，馬上去台灣投案。
/潘曉穎母親錄音回應林鄭月娥
