雷鼎鳴稱香港採用西方民主致政制失敗 「拎 BNO 走」將抵「一個落後地方」

0
511

今日(4 日)是「國家憲法日」,港府及中聯辦今午舉辦「國家憲法日」網上座談會,當中出席的科大經濟學兼任教授雷鼎鳴提到,本港的政治制度,在部分內地人眼中,是一個「實驗」,不過是失敗的例子,尤其是前年「黑暴」的出現,使「內地好多有思想嘅人,都重新檢視一下」。同樣出席座談會的原港區全國人大代表劉佩瓊,則建議香港向中央交稅。

「國家憲法日」座談會以網上形式進行,並以「憲法與『一國兩制』」為主題。會上,雷鼎鳴稱「(香港)喺政治層面上,部分內地人眼中,都係一個實驗田地」。不過,他認為政治制度上,「香港係失敗嘅地方多啲」,因本港採用西方民主制度,「以前我哋可以睇到有好多優點,但近年所隱藏嘅問題,逐步逐步浮現出嚟」。

雷鼎鳴︰去大灣區或者了解中國大陸,係一個 Cool 嘅嘢

他以美國為例,指當地治安非常差,槍殺案件屢發生,「譬如喺芝加哥一個城市,今年首八個月,被人用槍射死 500 幾人」,「甚至我間母校,今年已經畀人射死咗 3 個人」,隨後又批評美國經濟走下坡,美國人選出「非常民粹主義嘅總統」等,相信一切都與當地制度有關。

他續表示,正因香港所走的民主路,與美國情況相似,「或想行咁嘅路」,內地於是密切觀察香港,但 2019 年的反修例風波,「我相信『黑暴』嘅出現,內地好多有思想嘅人,都重新檢視一下」。他認為西方社會已經開始沒落,「所以去大灣區或者了解中國大陸,係一個 Cool 嘅嘢,反而你去英國,拎 BNO 嗰啲,去到一個落後嘅地方都唔定」。

作為主持的港區全國人大代表范徐麗泰隨即說︰「估唔到中國發展得咁快,雷教授全世界咁去行,有個咁樣嘅感受,真係非常之難得。」

前人大劉佩瓊︰「其實我哋應該要(向中央)交稅」

同樣出席座談會的原港區全國人大代表劉佩瓊,則提出本港向中央交稅,「喺《基本法》裏面,我哋有第五章講經濟嘅,第一節就講財政金融、貿易工商業,其中講到我哋保護私有財產……我哋有個公共財政係完全獨立嘅,我哋唔需要向中央交稅,其實我哋應該要交稅」。

她又就「堅持單一制原則」的說法,解釋「我哋國家自從二千幾年前,秦朝嘅時候秦始皇,就已經統一咗中國,一路以嚟我哋國家,都堅持一個單一制嘅統一國家。為甚麼要咁呢?因為春秋戰國話畀我哋聽,分裂就等於要戰爭」。

對於「五十年不變」的說法,劉佩瓊又表示,「世界環境變嘅時候,點可以唔變呢?我哋係要變嘅」;她又認為,本港由九七回歸至今,很多改變「唔係中央或邊度逼我哋改變,我哋有自由度」。