自由黨黨魁鍾國斌出局 歸咎「完善」制度下失 2,000 支持者 否認《逃犯條例》取態致敗

0
255

自由黨在立法會選舉中僅保四席,黨魁鍾國斌敗給香港工業總會副主席陳祖恒,未能連任紡織及製衣界議席。他在記者會表示抱歉,總結出局原因,認為與選舉制度有關。記者問他落敗會否因為他過往應對《逃犯條例》修訂的立場,他指業界當時都憂慮修例,爭取優化《逃犯條例》對他應有支持。

鍾國斌向自由黨黨友及支持者表示抱歉,其敗因出於選舉制度。他解釋,其界別的選民基礎「跌咗八成」,最大流失是在工貿署登記的 2,000 名出口商選民,這批選民正好是他的主要支持者,但今屆他們均失去了投票權,而紡織學會代表的個人票亦取消了。

2019 年,政府建議修訂《逃犯條例》,把身在香港而涉嫌觸犯內地法律的人士移交內地審訊。鍾國斌當時多次提出質疑,並批評保安局繞過法案委員會直接將法案提交立法會大會,認為是開了壞先例。記者問他,其立場是否落敗原因,他不同意。

「廠商當時好擔心《逃犯條例》」

鍾國斌說:「逃犯條例如果大家記得呢,係講內地有啲法律,如果我地有啲人士或者商家觸犯咗,就可能會被影響。紡織製衣業好多嘅廠家都喺內地,所以對佢哋係好大影響…所以我唔相信我嗰啲業界,如果佢哋係廠商,會好贊成《逃犯條例》,因為佢哋當其時好擔心呢個問題。」

他重申,其落敗與《逃犯條例》取態無關,「因為如果大部分廠家都擔憂《逃犯條例》嘅話,我去爭取優化條《逃犯條例》,應該對我有支持先啱,唔會因為係《逃犯條例》令到我有落敗嘅影響」。

他亦否認過去的表現導致他失去支持,「你可以隨時去新蒲崗、觀塘、九龍灣、長沙灣,事旦搵一個我界別嘅人,覺得我過往做嗰啲嘢,會唔會唔接受呢?我相信大部分都認為我所做嘅嘢係有幫助嘅」。

「咁你咪當我冇中央支持囉」

雖然他自言落敗後「完全冇任何不開心的心情」,但對選舉過程頗有微言:「我有少少不滿嘅就係俾人抹黑…會唔會有被影響呢?不得而知,但係起碼所謂君子之爭,真正來講係有啲出入。」對於勝算的陳祖恒,他說「希望佢真係講得出做得到,唔會淨講」。

記者問他,自由黨是否失去了中央支持?他說如果自由黨沒有中央支持,「呢度全部(五人)都落敗,唔止我一個」,至於他本人的落敗,他淡淡然說:「咁你咪當我冇中央支持囉。」

自由黨原有立法會議員當中,除鍾國斌出局,批發及零售界的邵家輝、航運交通界的易志明,及飲食界的張宇人均成功連任,該黨副主席李鎮強亦循選委界別取得一席,令自由黨來屆力保四席,不過在總議席數目由 70 度增至 90 度下,該黨的影響力將進一步削弱。