普及社區檢測計劃昨日（1 日）展開，下午 2 時大批建制派議員合照呼籲市民支持計劃，惟期間鬧出小風波，議員黃定光與梁美芬疑因影相企位問題，一度起爭執，黃定光更出手拉扯梁的手臂，差點導致梁失足。梁美芬接受《立場新聞》訪問時直言對事件感到不高興，「點解會叫一位著裙嘅女士踎低呢？我真係唔明。」她說事後腳部「扭親」，手亦被弄傷，又解釋事緣自己穿著窄裙，難以蹲下拍攝，強調並非「爭位企」，感到十分冤枉、委屈。
談到被「象哥」黃定光拉扯，梁美芬十分不滿，「點解會叫一位著裙嘅女士踎低呢？我真係唔明，我諗呢個係 keypoint，其他唔重要，係一個基本禮貌，你唔會叫著窄裙嘅女士去第一行踎低；第二，係唔會用咁嘅方式去扯走一個人…呢樣嘢係我唔能夠接受。」
口角期間，議員蔣麗芸曾稱：「梁美芬 sit。」梁則回應「我唔鍾意 sit，你 sit 啊。」黃定光則指「你係咪咁樣企呀」，梁美芬回應「俾你企呢度啦唔該。」事件最終要由其他議員調停，蔣麗芸亦與梁美芬對調位置。
梁美芬向《立場》稱，「女士著裙，可以咁俾人 order 踎低，我都未見過，喺大學、喺專業都冇咁樣俾人叫踎低。」她又指，自己本身下午有視像會議，但因得悉有呼籲市民參與檢測的活動，因此希望「撐場」，為最終出現爭執感到不開心。
