你知我知單眼佬都知，國安法是獲國際認證的屠刀惡法，但新任終院首席法官張舉能自有另一番解讀。
例如話，國安法已經是香港法律一部分，明文白字黑字，「睇唔到」有朝令夕改。
不過當然，國安法是中國法律，和香港法律明顯不同，但係張舉能話，「呢個唔成問題」。
因為要相信法庭「身經百戰」，有好多案例經歷，會用以往「同樣方法原則」去解釋國安法。
但係國安法入面有第 55 條，香港處理唔到嘅案可以送中審，點算？
張舉能話，我唔評論國安法條文，不過，大家習慣咗，會好啲。
就好似所有「新事物」一樣，大家有事情「未必明或者唔係即時理解得到」，係好自然，但慢慢「熟習咗」，大家開始有「感覺認識」，佢相信「係會好啲」。
聽完成個人安樂哂，所有擔憂簡直一掃而空，香港法治去到前所未有高度，係咪咁話？
作者 Facebook
