【全面監控】建制再促課室裝閉路電視 鏡頭對焦教師 蔡若蓮:做法消極 恐教學變質

0
29

立法會教育事務委員會轄下「研究幼稚園中學教科書及教材編製小組委員會」今(19 日)早開會,原定議題為科技如何協助教師使用教科書及教材,但多名建制派議員借故要求在課室安裝閉路電視,並對焦教師攝錄。民建聯周浩鼎稱「經歷咗黑暴,見到有失德教師喺課堂上荼毒學生」,應監察防止教師「胡作非為」;教育局副局長蔡若蓮認為監控屬消極做法,「如果對老師無信心,老師都會無信心」,又指「所有嘢都好似表演一樣去上堂,教學性質又會改變咗」。

自由黨、飲食界立法會議員張宇人在會上提出,應在課室內安裝閉路電視,強調做法有利學校管理及支援家長。他直言,有關措施永遠不會達成共識, 「唔稱職」的教師必然會「反枱」,「一定會同你死過」,認為教師反對的原因是「唔想你𥄫住佢,可以做啲課本以外,甚至非法違法嘅嘢」。

他突然又提到,「依家冇 CCTV,好多警察嘅仔女都被欺凌得好緊要」。張宇人建議與私隱專員商討閉路電視的擺放位置,並於課室張貼「紙仔」,提醒該處設閉路電視。

多名建制派議員表示,假若外界憂慮私隱問題,可將鏡頭集中對焦教師,避免拍攝到學生。

葛珮帆:百利而無一害

不過,副局長蔡若蓮表態不同意,「當我哋對老師好無信任嘅時候,其實呢個都係一個互動,老師亦會對自己失去信心,變咗在教育設計的靈活彈性可能大大減少。」她認為不應該「消極地錄起(課堂)、用調查嘅角度」去監控教師,相反應以專業發展及互相觀摩的角度入手。

民建聯葛珮帆形容,安裝閉路電視是「百利而無一害」,可有效提升老師質素;她以立法會議會設直播錄影作比喻,認為「錄影」教學能讓家長知道教學內容,並有助教育局監察學校。

周浩鼎又將閉路電視類比為網上授課模式,指教師現時在疫情下轉為網上授課,早已習慣於鏡頭下教學,理應不會過於抗拒此做法,「教啱嘅嘢又有咩好驚?」

蔡若蓮回應稱,將課堂直播會影響學生上課情緒,「我哋希望同學喺一個安全,自然、同埋能夠自由表達嘅環境去成長」,明言「讓所有嘢都好似表演一樣去上堂,嗰個教學性質又會改變左」。

她指,明白議員的建議是為了提高教學效益,「閉路電視可能係一個容易比較簡單直接嘅方法,去用錢同技術就搞掂,但係咪冇其他替代嘅方法去達致呢個目的,而對同學嘅學習影響減到最少呢?」

蔡若蓮:無需要重新抽查市面上教科書

葛珮帆在會上追問現時教科書的審查機制,蔡若蓮形容機制行之有效之際,葛珮帆突然打斷,稱蔡的說法「令人反感」,指市面上仍有「唔應該存在」的教材,「你有咩可能同我講行之有效?如果你行之有效,即係唔洗檢討啦⋯我哋呢個工作小組唔使開會添。」

被問到教育局會否派員檢視教科書、教材是否有違反國安法的內容,蔡認為「無一個特別需要,抽曬市面上嘅教科書從頭要睇過」,重申由教材的產生到課堂應用,局方都有層層把關,並已加強教科書編寫的簡介說明,包括國安教育方面,提醒出版商核實資料是否準確及立場中立。