【清算港台】曾志豪:侮辱員工多年努力 呂秉權:令港台往後不敢唱反調

0
347

政府再出手整頓香港電台,商經局今早公布針對港台「管治及管理檢討報告」,狠評港台多方面不足(詳見報道)。在港台任職 16 年、《頭條新聞》節目主持曾志豪表示感到非常痛心,「俾人侮辱緊我哋成個電台上上下下咁多年努力嘅成果」。浸會大學新聞系高級講師呂秉權指,在中央眼中,港台「收政府錢,唔幫政府做啦啦隊,仲唱反調」,所以今次報告是要「撥亂反正」。

曾志豪接受《立場》稱,希望局方能還市民大眾及員工一個公道,「唔可能用一份咁樣嘅報告去抹黑同貶低大家嘅功勞」。作為合約制員工(CAT II),他認為報告批評港台嚴重依賴 CAT II 的說法有欠公允,港台不少節目須聘請專門主持,以這個方式合作最靈活,可根據節目所需自訂合約時間。

報告建議增評審員 呂秉權:小心魔鬼在細節

對於報告提到,港台在處理爭議及敏感編輯安排時,只透過「口頭」上報,浸會大學新聞系高級講師呂秉權認為,新聞工作有基本方針及大原則,「好難每件事都白紙黑字寫曬出嚟,係無可能」,假如每事都要層層上報,會將新聞工作的「絕對彈性、靈活性變成繁文縟節」,又指會令記者往後「捨難取易」,自行避免報道一些外界認為「敏感」的新聞,省卻麻煩。

報告又建議港台考慮聘用內部或外間評審員,定期評估節目質素,呂秉權提醒「要小心魔鬼在細節」,「評審員(立場)會否側埋一邊?(他)會在哪一階段介入進行評審?」

呂秉權認為,官方現時的態度是視港台為政府部門,多於廣播、傳媒機構,形容報告對港台進行「整體大手術」,「對於政府、建制、內地嚟講,港台作為政府部門,收政府錢,不但止唔幫政府做啦啦隊,仲唱反調、添煩添亂,仲做啲令國家尷尬嘅嘢」,令政府及中央不滿,故今次是要「撥亂反正」,令港台往後「不能唱反調,不敢唱反調」。

李立峯:少咗勇於發聲、批判性大嘅媒體

香港中文大學新聞與傳播學院院長李立峯則指,今次報告不能視為單獨事件,過去一年多通訊事務管理局曾裁定多項針對港台的投訴成立,加上近日對利君雅重啟調查,明顯是要進一步控制港台。對於局方在記者會上指,港台應緊跟《港台約章》「持平」報道,但他指在不同類型的時事節目,所謂「持平」不能一概而論,「好似《頭條新聞》呢種諷刺時弊節目,做法就會(相對)有彈性」。

對於今次政府「整頓」港台,李立峯認為會對其他傳媒帶來間接影響,「(有媒體)夠膽鬧某樣嘢,大家都會跟住鬧…因為風險無咁大,甚至(大家都報道)無可能完全唔跟⋯(但依家)就少咗(呢個)勇於發聲、批判性大嘅媒體。」