民主黨將訂黨內機制 或需五大地區支部提名參選 羅健熙:走足民主程序 李華明:若門檻過高阻參選

0
554

民主黨昨(26 日)召開特別會員大會,仍未決定是否參選,僅授權中委會處理參選事宜,若有人報名參選會再開特別會員大會決定。該黨主席羅健熙指,決定是為按過去程序,制訂機制,「如果真係有人話參選先決定係咪派人去參選」,預計最遲到 10 月中就會截止,他承認今次黨員若要參選,機制門檻會較以往高,但「唔係不能夠達到」,「我覺得我哋個機制,仍然可以容許有志參選嘅人去拎提名」。

但支持參選的黨內元老李華明就質疑,目前黨內較高知名度的人都有機會被取消區議員資格,未來失去參選機會,無被 DQ 的區議員「知名度一定唔係咁高」,若要求他們獲得民主黨五個地區支部一定數量成員提名,「擺明就係俾難題」,「係咪又玩嘢呢?」

羅健熙:制訂機制確保行足程序

羅健熙今 (27 日) 在港台節目《千禧年代》指,昨日大會中,有會員認為至今都無民主黨人提出要參選,「特登去做決定但無人,咁做個決定做咩呢」,後來有會員提出,可能有人是待黨有決定才表態,「如果唔做足個程序好似唔係咁好」,所以最終決定制訂機制,若真的有黨員有意參選才再由黨決定;他沒有回應這做法是否要迴避阻止黨員參選的指控,僅稱目前環境下黨員認為要更團結,「確保黨程序要行得足,唔好有人覺得被遺漏咗,未行足個民主程序」。

昨日民主黨區議員袁海文提出,有意參選的黨員要獲五大地區支部各 10 名成員提名,之後再經會員大會諮詢;羅健熙指目前機制未確實,但昨日大會上較多黨員認為,門檻要比以往參選立法會地區直選高,他舉例以往參選九龍東要獲該區支部支持,但今次參選「個人可能成為成個民主黨嘅代表,就唔可以淨係拎一個區支持」,以往參選「超級區議會」都同樣要獲各區區議員支持,「唔係新嘅嘢」。

但他承認,客觀上黨內參選門檻較以往高,但這調整「我覺得係好合理好正常」,門檻亦不是「必然不能做到」,他們正制訂相關時間表,由於現屆立法會任期 10 月 30 日屆滿,立法會選舉提名期隨即展開,計算民主黨要召開會員大會,讓有意參選的人接受質詢,黨內截止報名參選最遲大概是 10 月中。

李華明:高參選門檻是製造難題

一直表態支持民主黨參選的元老李華明就指,昨日大會上有黨員觀點和他相近,特別是認同黨要有程序,讓有意參選者接受會員質詢,「黨係應該有個提名程序」。

但他質疑,在今屆選舉時間緊迫下,反而門檻較以往高,甚至有人提出要獲五大地區支部成員提名,在高知名度成員被 DQ 下,餘下的人選可能難以達到門檻,「無被 DQ 嘅區議員知名度一定唔係咁高,要去每個支部拎提名,我話係元老,啲人我都識唔曬,點樣咁短時間拎提名,擺明就係俾難題」,質疑做法類似政府「完善」選舉制度,「你唔想黨員去參選,咪製造多啲門檻」。

湯家驊:不認為民主黨決定違反國安法

本身是資深大律師的行政會議成員湯家驊指,目前民主黨的決定,他看不到有違反國安法的地方,「顛覆國家罪要有犯罪行為,勾結外國勢力要有法律定義下嘅關係,目的係破壞選舉制度,先會構成國安法下罪行,目前我唔覺得有特別空間討論」。

但他對民主黨的決定理解但失望,客觀效果等於叫黨員不要參選,「有無黨員會冒呢個險,受公審去試圖參選,有都唔會係好多人」,他預期可能會有民主黨人退黨以個人名義參選;至於若民主黨無人參選會否令未來立法會清一色,他指若民主黨不參選,其他「非建制」黨派會有較大空間考慮是否參選,例如新思維已經積極籌備,民協或個別前民主派成員相信都會積極考慮,而他創辦的民主思路若有適合人選,亦會推薦甚至協助參選。