油尖旺區議員陳梓維昨（14 日）收到居民投訴，指佐敦寶發大廈外有大幅不明污跡，擔心是糞渠滲漏，但因沒有該法團電話，遂「通知對家」，聯絡前競選對手、民建聯葉傲冬跟進，引發建制派紛紛「抽水」，葉傲冬 FB 發文回應指「議員上門搵前議員作個案轉介真係第一次 …」民主派亦表態批評，油尖旺區議會副主席、公民黨余德寶促陳梓維「唔識，可以搵我們同事幫手」，希望他反思一下。陳梓維回覆《立場》查詢指，聯絡對手只是其中一種處理事情的手法，為街坊著想無問題，但民建聯只懂「玩政治」，他並不後悔今次處理，但就「無下次」。
建制派抽水 陳克勤︰只有陳梓維先可以超越陳梓維
油尖旺佐敦南區議員陳梓維昨日在 FB 發文，指收到街坊投訴，位於佐敦的寶發大廈外牆有不明污跡，擔心糞渠滲漏，但是當時向大廈保安查詢，對方指不會通知法團，自己亦沒有法團聯絡方法，「所以我用左一種無人會用方法！就係通知我對家。」並上載該法團在該區前議員、民建聯葉傲冬處開會的文件，透露已通知對方。陳梓維更指，為慎防「我對家將投訴當成自己工作，所以在此立下證據，並會兩星期後再巡視一次！如果並未清潔或通知法團，會進行下一步行動。」
收到街坊投訴，話寶發大廈外牆有不明大幅污跡（街坊怕係糞渠有滲漏），由於管理處話晤會通知法團，而又我咁啱冇該法團電話，所以我用左一種無人會用方法！就係通知我對家😀 為咗慎防我對家將投訴當成自己工作，所以在此立下證據，並…
該帖文一出即引起熱議，有網民揶揄「咁下次投票都投俾對家啦！」、「射波仲咁大聲」。民建聯葉傲冬在 FB 發文回應指，「議員上門搵前議員作個案轉介真係第一次 …」又指「歡迎繼續轉介」。民建聯立法會議員張國鈞亦發文嘲諷，「唔好唔記得反對派同攬炒派本質上只係搞破壞，搵佢哋搞建設嘢根本係緣木求魚。」同黨陳克勤亦發文，「只有陳梓維先可以超越陳梓維」、「真係辛苦你喇」；新民黨成員李梓敬亦抽水，「小黃人出糧，正常人做嘢」。
街坊搵議員求助、居民搵議幹幫手就常有發生，議員上門搵前議員作個案轉介真係第一次…. #民建聯 #葉傲冬 #歡迎繼續轉介 #放心 #做到都無諗過抽你水 #我哋服務無停過 #希望你對得住糧支 #仲有提提你 #本區確診個案唔止兩宗
【只有陳梓維先可以超越陳梓維】 攬炒派區議員陳梓維又同大家發放笑蛋，日前佢喺面書話俾大家知因為自己唔識搵法團電話，未能處理街坊投訴，所以向佢自己嘅「對手」求助，仲擔心投訴被處理後功勞被「對手」搶走，因此「出帖為據」向大家表示自己嘅「功勞」，真係辛苦你喇！ #創意100分
我錯了。 之前，我其中一句口號，叫「小黃人出糧，正常人做嘢。」 之後，可能要改做「陳梓維出糧，葉傲冬做嘢。」 Chris Ip
余德寶︰請好好反思
公民黨油尖旺區議會副主席余德寶轉截陳梓維的貼文，促對方「好好反思」，「你唔識，可以搵我們同事幫手，而唔係去民建聯。請好好反思一下。」余德寶今日回覆《立場》查詢，直指陳梓維有負選民期望，「市民選你出來，就係希望你做得比上一屆好，唔係搵返上一屆。」他指明白政治素人需要時間熟悉區務，作為同事只能盡力提點；以他所知陳梓維並沒有在民主派群組提出疑難，區議會「翻盤」後有很多民主派同事可請教，建議陳梓維日後多找民主派幫手，就今次事件而言，亦可優先考慮透過民政署聯絡法團。
你唔識，可以搵我們同事幫手，而唔係去民建聯。 請好好反思一下。
陳梓維其後發文解釋，指民建聯時常標榜「為街坊」、「為地區工作」，當時評估後認為該大廈法團與民建聯是友好關係，希望對方代為通知法團。他批評民建聯只懂抽水，「水呢，就唔係咁抽嘅！」批評對方平日標榜服務地區，但「原來玩政治」，漠視坊健康，他原本「放下立場」期望盡快解決問題，但結果對方「離棄街坊」。
水呢，就唔係咁抽嘅！你地成日標榜服務地區、服務人群……點知原來玩政治，不理街坊健康着想 原本，我放下立場搵你地！期望盡快解決問題。 無法子，你地政治離棄街坊立場，連民生都離棄街坊健康立場！
😂我可以顛覆成個政治圈，你地成日話民主派經常搞政治，不理民生！咁我依家同你地班保皇黨聽，就算通知你地叫法團去清洗大廈外牆及檢查喉管，你地只懂得抽我水！從來沒有知會法團！慶幸，我預先知油尖旺民政署通知管理公司及法團，現在管理公司有初步回…
陳梓維︰為街坊著想 做法或許「顛覆政壇」
陳梓維回覆《立場》查詢指，今次做法或許是「顛覆政壇」，「預咗兩邊，建制民主不討好。」當時是站在為街坊憂心的立場「用咗最特別的方法」，認為唯一可盡快直接聯絡法團的方法就是找民建聯，不想拖延，「點知佢哋玩政治，不理街坊民生」，揭示了民建聯「為民生」說法只是「講大話」。
他承認，選區內有五十多幢大廈有法團，暫時手上只有十多幢法團有聯絡方式，日後會加強與區內法團溝通，就今次事件，亦已找街坊「搭路」認識寶發大廈法團成員。
他強調，通知民建聯只是其中一項跟進，他已同時聯絡民政署，並去信該法團，管理公司則初步回覆指，大廈外牆喉管有裂痕出現滲漏，估計不涉及污水。他今日將再聯絡油尖旺民政事務署，要求管理公司交代外牆是甚麼喉管有裂痕，並盡快通知法團，展開維修工程及清洗大廈外牆。
