新上任廣播處長李百全上任後，至少抽起 9 集港台節目，包括《議事論事》和《鏗鏘集》等。港台節目《港食力》主持、前無綫新聞主播黃大鈞今日（29 日）在 FB 發帖，指收到通知，《港食力》不會開拍第二季，估計因節目「對新管理層嚟講，體裁上可能比較敏感」而不能開拍，又指若主持時失去言論自由，「有軀殼（節目）都冇用」。
《立場》已向港台查詢，有待回覆。
港台節目《港食力》主持黃大鈞向《立場》透露，《港食力》收視一直「唔錯」，在拍攝第九集時，已獲前監製廖慧玲告知應會開拍第二季，惟今日（29日）透過短訊，得知節目不會開拍第二季。
黃大鈞表示不覺得突然，指在港台人事變動後已經有「壞打算」，「（《港食力》）路線係時事同飲食結合，對新管理層嚟講，體裁上可能比較敏感」。他補充，以往在節目上自由度大，即使有部分比較敏感的表達都可以「講咗先」，但在《港區國安法》生效後，團隊會思考「點用另一種模式表達，好啲嘅手法」，避免「中地雷（違法）」，不過他強調，「留得到嘅軀殼（節目），但冇靈魂（言論自由）都冇用……依家好似有啲嘢唔容許喺公營機構度播放。」
本來今年一月同港台拍完第一季《港食力》時，已經有傾四月開拍第二季，五月再接返個時間《鏗鏘說》播出。不過今日收到通知話暫不會開第二季，唔通又係因為我「太黃」？定係蔡子強「太黃」啊？
逢星期五晚上 8 時在港台電視 31 播出的《港食力》，由前新聞主播黃大鈞為主持，分享煮食心得及討論時事；搭檔中大學政政系高級講師蔡子強，講述飲食文化。在去年 11 月起播放，一共 12 集。在最後一集節目，曾邀請柴灣起動成員、在短片《夜更》飾演的士司機的東區區議員蔡志強，談論香港人在《港區國安法》實施下變得恐懼，不敢發聲的無助情況。
