人大常委會早前通過修改香港選舉制度，日後參選人須經過多重關卡，包括要取得選委會 5 個界別、各界別至少 2 個提名等。全國人大前常委范徐麗泰今 (4 日) 出席電視節目時表示，認為有關要求並不困難，做不到應反思是否適合參選。她又指，香港過去多次觸碰中央紅線，此時應該「認錯」，而非就「完善選舉制度」逐字查找漏洞，「逐隻字去督睇下有冇窿、有冇窿，搵到個窿又點？都唔會令香港繁榮㗎嘛」。
稱曾訪美政要不符參選資格
范徐麗泰出席無綫節目《講清講楚》時表示，立法會參選人要從選委會各界別取得至少兩票提名，並不困難，「（選委會界別）300 個人裏面你都搵唔到兩個支持你，咁即你應唔應該選舉都成問題啦，係咪？」她認為，將來立法會可以有反對派，但不能有「攬炒派」，或在立法會「搗亂」、「拉布」，重申參選人不能損害香港繁榮穩定。
她又表示，一些曾經到訪美國政要的人士都不適合參選，「有一啲去過去美國，同啲美國政要好興奮、好開心影相嗰啲人，我諗佢哋唔洗諗，因為佢哋係邀請外國干預，絕對唔係『愛國者』」。翻查資料，建制派議員過去亦曾到訪外國會見當地官員，例如行會成員陳智思、廖長江、葉劉淑儀及張國鈞，去年 3 月就曾經赴美與美國副助理國務卿等官員會面。
稱傳媒可制衡政府施政
是次修改選舉制度被批評削弱民意代表性，立法會或難以制衡政府施政。范徐麗泰則指，立法會 90 席中有 40 席由選委會產生，認為有關議員的權力來源及施政理念都與特首相近，可做到行政主導，使施政暢順，對巿民有益。她又說，每個選區仍有 2 名直選議員，選委會中亦有分區委員會等地區代表，相信巿民的想法仍可帶入議會。
她表示，即使議員及政府都漠視巿民意見，在制度外仍有第四權制衡，「我哋香港仲有呢個第四權力，我哋啲傳媒，我哋香港傳媒好犀利，只要係事實，傳媒報出嚟，大家都知道，自不然嗰壓力就會喺議員同埋政府身上」。
稱香港應向中央「認錯」
范徐麗泰說，社會不應再從是次修改選舉制度的議案中捉錯處，稱中央對香港一直非常寬容，香港已多次超越紅線，「所以喺呢個時候，就係自己知道做錯咗，以後就唔好再係咁，而唔係攞住嗰個『完善』選舉制度，逐隻字去督睇下有冇窿、有冇窿，搵到個窿又點？都唔會令香港繁榮㗎嘛」。她重申，《基本法》第 45 及第 68 條沒有改動，香港最終達至普選的目標不變，稱假如香港在修改制度後停止亂像，相信會更早有普選。
