立會選舉金融服務界答問會討論野豬 稱集決心智慧科學數據 李惟宏:無問題解決唔到

0
165

立法會選舉將於本月 19 日舉行,本港 13 個金融服務界團體,今日( 8 日)聯合舉辦候選人答問大會,由 2 位候選人李惟宏及經民聯的張華峰分別發表政綱。二人除了談及業界議題,亦討論野豬爭議。李惟宏表示,「呢個野豬問題,表面上同我哋業界好似無咩關係,但我認為國家或香港任何問題,只要有決心,只要有智慧,只要根據一個科學、數據,係無問題解決唔到」;張華峰則表示,把野豬人道毀滅並非好方法。

《立場》記者會後亦向二人查詢近日入境處兩名高層人員疑收受利益,但未申報的事件取態,張華峰表示「佢(兩名入境處人員)應該係無心之失,3000 蚊唔係啲咩大嘅利益,不過一個高官唔應該有呢啲事情發生」;李惟宏則指本港是法治社會,相信未因單一事件,影響整體社會廉潔。

中資、華資出身李惟宏提出「共富」

目前為大唐資本控股行政總裁李惟宏質疑,對手張華峰過去任議員 9 年「做唔夠」。他強調自己有中資、華資經驗,盼入議會後能「做大個餅」,達致中資、華資「共同富裕」。

他續說,「共富」是未來大方向,要解決本港貧富懸殊問題,要先解決本港經濟、營商環境問題。翻查資料,李惟宏為順隆證券創辦人李和聲的孫兒。據《明報》報導,當年的順隆證券是僅次於新鴻基證券的第二大華資大行。1998年,時任特首曾蔭權反擊索羅斯狙擊港元,而順隆是政府專用經紀之一,因而有「御猫」之稱。至於李和聲,則是上海總會的永遠會長。

至於張華峰則表示,自己的競選政綱包括完善現行上市制度,以配合大灣區及加強前海發展等。李惟宏在答問大會上質疑,張華峰未為業界爭取利益,在增加印花稅上投棄權票,但張華峰重申自己審議時是投反對票,但在《財政預算案》上才是投棄權票。

業界對 SPAC 感憂慮

港府今年 10 月底結束 SPAC(特殊目的收購公司)諮詢,而較早前特首曾表態支持 SPAC,但有業界反映對此措施有憂慮,包括資訊披露及投資者保護。大會問及二人對 SPAC 取態,李惟宏認為本港 SPAC「行得遲」,又認為市場要有高透明度,使投資者安心,同時平衡市場發展需要,顧及中小企最低門檻參與。

張華峰也同意本港SPAC 「起步慢了」,認為「香港散戶有拼搏精神」,懂得評估風險,建議措施「拆牆鬆綁」,不應限於專業投資者參與。

面對野豬爭議 李惟宏:根據科學、數據,無問題解決唔到

會上,二人亦被問及不同社會議題,包括近日備受爭議的野豬問題。李惟宏表示,「呢個野豬問題,表面上同我哋業界好似無咩關係,但我認為國家或香港任何問題,只要有決心,只要有智慧,只要根據一個科學、數據,係無問題解決唔到,所以喺呢方面要搵專家⋯⋯我哋金融服務界有好多問題存在,逐一都可以解決,只要我哋有決心、智慧,用大家團結力量,就可以解決呢方面問題」。

張華峰認為,把野豬人道毀滅並非好方法,但野豬近幾年傷害市民個案確為增加,反問是否有其他方法,可取替人道滅毀。他又質疑,市民經常餵飼野豬,相信會有法例限制,「佢本身喺荒山野嶺都有生果食,有自己嘅桃食,都唔應該走過嚟呢度」。

回應入境處高官收利益 張華峰:我覺得佢應該係無心之失

另外在會後,《立場》記者問及近日入境處兩名高層人員疑收受利益,卻未申報事件(詳見另文報道),李惟宏表示,自己對事件不太了解,但指「我諗香港係一個有法治嘅社會,所以未必基於一單事件,要非常擔心整體一個好系統化,或整體廉潔問題」。他又指「目前為選舉期間,我相信現時香港選舉會公平、公開、公正去舉行」。

問及涉事的入境處副處長郭俊峯被視為接替入境處處長大熱人選,牽涉是次事件會否不適合接替處長,李惟宏表示,「我諗個別事件,好難去畀太過度多方面嘅意見,但我相信香港係一個法治社會,所以如果有人犯咗法,要根據返個法例,去面對返有關嘅penalty(懲罰)」。

張華峰則表示,「我諗香港公務員一定有一個規定,同埋有個規則,佢哋作為一個高官一定知道點做嘅」,又相信今次是個別事件,「我唔知道咩情況下收受(利益),不過我覺得佢應該係無心之失,3000蚊唔係啲咩大嘅利益,不過一個高官唔應該有呢啲事情發生,應該同市民有個清晰嘅交代」。他續說「整體嚟講,香港都係一個好廉潔嘅社會」。

二人對人大建議向中央交稅有保留

另外,記者問及二人怎看人大代表劉佩瓊,早前在「國家憲法日」座談會上提出香港向中央交稅的建議(另見文章),李惟宏認為,由於稅務是長遠政策,所以「我認為唔適合太過輕易、倉促、過快去做一個決定」,又指稅務問題複雜,牽涉範疇很多及很深遠,更合適的做法是建立委員會深入研究,根據數據分析再作決定。

張華峰則表示,「向大陸交稅,其實大陸已經畀咗好多好處我哋,如果共富好難同我哋,因為我哋香港(未來)經濟發展都喺大陸,我哋鐵定咗香港經濟一定比大陸更加困難,唔應該從呢方面去睇,應該互相配合」。