人民力量副主席譚得志（快必）去年 9 月 6 日被捕，昨日（6 日）剛滿一年，案件未審，一直被還押。《幻愛》導演周冠威昨日探望譚得志，兩人由《幻愛》傾到耶穌，最後兩人舉起拳頭，拍拍心口，互道加油。
還押滿一年的譚得志昨晚（6 日）經由 facebook 專員，公開兩人對話內容。譚向周冠威稱，對電影《十年》當中、由周冠威執導的「自焚者」印象深刻，主動提到聖經金句：「你們要求善，不要求惡，就必存活。」
還押在獄中的譚得志，苦無機會看是周導作品《幻愛》，卻看了原著小說，興致勃勃傾起小說內容，「佢（譚得志）話有同其他政治犯一齊討論，究竟女主角第一次出現係喺邊度呢？周導演立即解開佢嘅疑惑。哈哈，快必話同佢諗嘅一樣喎。」
譚得志：無畏無懼精神 邊間教會培育出嚟？
譚得志提到，看到周冠威近日的訪問，非常欣賞對方無畏無懼，不怕被濫捕濫告的精神，又知道對方是基督徒，因此希望見面、交朋友，「快必好好奇周導演佢呢種無畏無懼嘅精神，究竟係邊間教會培育出嚟嘅呢？周導演話其實都唔關教會事嘅，主要都係關耶穌事。佢自己都好不滿意一啲保守嘅教會，佢覺得宗教信仰令佢意志堅定，而佢太太都係讀神學㗎(同快必一樣)，一講讀邊間神學院，邊個老師，兩個『神人』真係好啱嘴型。」
兩人又提到，因 47 案還押的何桂藍早前在報章刊出長文《當司法淪為政治壓迫的儀式，反抗是否仍然可能》。譚得志向周講到，「支聯會嘅鄒幸彤就係答案啦。」
周冠威志分享浪漫喜劇
周冠威主動與譚得志分享一段浪漫喜劇，就是幻愛男女主角，因為這套電影而成為情侶，兩名演員未煞科之前，一直無正式拍拖，「嗰日佢哋拍完最後一場戲，天空出現彩虹，佢哋成隊crew都見到，感覺就係上天嘅祝福，見證佢哋愛嘅開始。由拍戲到現實，又真係好『幻』嘅『愛』情，快必話實在好『莊子』啊！」
短短 15 分探望時間結束，兩人舉起拳頭，拍拍心口，互相加油，「佢（快必）臨行返入去嘅時候，仲做咗個揸筆手勢，話會寫信比周導演喎，快必又多一個筆友啦！」
去年 9月 6 日，人民力量譚得志（快必）被警方國安處上門被捕，被控發表煽動文字等 14 罪，案件將會在下月中續審。他未被定罪，直至昨日，已被還押整整一年。
