如果是真正的現實主義者

0
110

如果係真正 realist,其實見人轉莊,應該快啲跟機轉。以色列都撐 Trump,但而家媒體已經係 sell 緊自己同拜登有幾 friend 以後繼續點同美國合作。

其實香港國際線手足都係講呢啲。朱牧民、羅冠聰、黃之鋒、梁繼平,都係不分黨派尋求美國支持。

去到已經明顯有新莊,或者為咗上莊而有困難,最明智嘅做法係收聲,等美國人自己快啲攪掂。

如果係中共,呢個時候最好嘅做法就係順水推舟,趁香港群情洶湧,打擊國際線。兩個層面。一,派五毛攻擊國際線,令撐 Trump 港人覺得中立嘅國際線愚蠢、不可信,減少對國際線嘅支持。二,抹黑整個香港反抗運動,以香港抗爭者身份去挑戰美國制度,甚至資助令美國持續混亂的司法及各類活動。

前者只係打擊香港運動,後者直接影響美國穩守,真正一石二鳥。

早兩日同朋友講起,媒體、KOL 係局勢明朗後就會轉向、歸邊。但有中共因素,恐怕呢個過程會減慢,攻擊美國民主制度嘅言論會得到中共支持,而不斷持續。往後瓦解反抗運動的論述亦多加一項,就係美國制度不可信,香港已被放棄。