民主黨無人選立會 元老李華明有意退黨:留喺度有咩作用? 主席羅健熙:一定挽留

0
81

12 月立法會選舉,民主黨黨內提名期昨日截止,無人報名;民主黨主席羅健熙稱,如無意外今屆立法會「如無意外無我哋代表參與」,但未來是否仍會參選「需要再傾」,但強調該黨會繼續地區工作,希望黨友繼續「一齊行艱難嘅路」;而一直主張民主黨參選的創黨元老李華明就質疑,在沒有立法會議員下,做地區工作非常困難,政府「睬你都傻」,又指自己已成黨內「異見份子」,有意退黨,「我留喺度有咩作用呢?」

羅健熙今早在商台節目表示,昨日黨內提名結果顯示,除了其中一名黨友韓東方有意嘗試但未獲足夠提名外,其他人都無表達參選意欲,如無意外立法會選舉不會有民主黨代表參與,「無需要特別(討論)參唔參選,總之我哋無人啦」,他又重申認為目前參選門檻合理,雖然要取得 40 個提名「數字上表面上係多咗」,但由於過程步驟減少,不需做民調和獲支部會員大會支持,韓東方過去十年較少參與黨務,都獲得 9 個提名,「黨內多啲參與嘅人其實攞到(足夠提名)」。

他又稱今次選舉舉行太趕急,由通過修訂選舉法例至今僅五個月,以往民主黨的選舉工程由提名、民調到黨內評級「起碼一年」,所以目前的提名機制「係一次」;至於日後民主黨是否不再參選,羅健熙稱民主黨仍有小量區議員,會繼續地區服務,而將來選舉有多少空間參與要再商討。

李華明:我留喺度我有咩作用呢?

李華明在同一節目指,若論地區工作,「民主黨我諗係數一數二」,他認為若沒有議員身份,只靠社聯主任、聯絡主任,政府「睬你都傻」,「我諗羅健熙無可能唔知」,而對方仍稱民主黨會繼續地區工作,「只係話俾大家知,我哋會留落去,唔使選都得…我會覺得太不切實際」。

他又承認自己有意退黨,因他過去主力籌款,「個啲籌款為選舉,咁而家無嘢籌啦」,加上民主黨不參選「無影響力」,「我籌款個啲對象根本唔會再捐錢」,他自己作為民主黨內的異見份子,他「好難留落去,亦都好難貢獻」,「我都唔知喺度做咩」,但退黨對他而言是困難決定,他作為創黨成員「仍然好愛民主黨」,他不會第一時間退黨,亦歡迎黨的領導層和他溝通,「如果唔理我,我好快決定退黨架啦」,惟強調是否退黨是他個人決定,「絕對唔會去影響任何人」。

羅健熙:一定挽留

對於黨內是否會出現退黨潮,羅健熙稱不會特別預計,但期望所有黨友一同行「艱難嘅路」,又稱「一定會」挽留李華明,「黨內有不同想法,係好合理正常嘅事 」,會努力說服李華明和其他黨友留下,「咁多團體解散時,我希望民主黨可以維繫住」。

 

发表评论