聽講不少人話過，香港如果有日冇咗生果日報，就一天都光晒！
不同年代，不同的人，不同的時勢，不同的想像。
斷估想像唔到今日這種「冇咗」啩。
幾個不同年代的廣告人，講起呢單嘢，不勝欷歔，又覺得古靈精怪。
曾經，有個講法係：「廣告冇落蘋果同壹仔，好似冇出廣告咁！」係咁勁。(好多人憎佢，但又做到 things people love to hate)
曾經，蘋果的 A 疊廣告爭爛門，又貴，但個個客爭住落，多人睇，又多中產眼球，消費力又高，是大銀行、大電訊商、航空公司，必爭之地。高級名牌、又搶 C 疊 (娛樂) 版位，總之，絕對是重要 Print ads 寵兒。後來，當然因各種原因，慢慢被放棄。
被封殺是重點，還有印刷媒體的下坡。
但今次，怎說也不是自然死亡，不是被市場淘汰。
網上好一大片哀愁，因為失去的，是香港擁有同樣信念的人之痛。
幾代廣告人吹吹吓，最奇怪是望望其他「行家」，其他媒體之反應，都幾奇觀。
沒幾多唇亡齒寒、連兔死狐悲也沒有，幸災樂禍卻是有的，更沒幾多敢說出重點。
廣告角度最實際的看破，是咁大個巨人倒下，竟沒幾多生意會落入其他口袋，被乘勢瓜分。負責幫客落廣告的國際 Media 集團話：好多客已經冇落佢哋廣告，所以冇乜影響。
市場的畸形，已畸到你唔信。
#畸形的香港
#廣告冇影響
#你話大家支持咗佢幾耐
#佢哋自己承受咗幾耐
#幾多又袖手旁觀咗幾耐
#電子版勁多人睇又有幾多廣告呢
#有冇邊個得
#畢明又講吓廣告
作者 Facebook
