呢個街站好爆笑

0
28

見到呢個街站,真係好爆笑。

支持人大踢走攬炒派議員,然後搵人簽名。但係依家人哋總辭,已無攬炒派議員,咁即係支持乜嘢?啊,你係指保皇黨嗰班係攬炒派,希望大人再出手踢走埋佢哋。

仲有喎,攬炒派宣布總辭,中共喉舌及建制派紛紛讉責喎,話佢哋「鬧辭」喎,咁即係呢個街站想佢哋留定走呀,究竟打佢定打佢老母呀,我好亂呀。

好明顯,成件事一早部署好,維穩費一早發咗,唔能夠因為攬炒派總辭咗就唔出糧冇工開(咩時勢呀大佬),咁唯有局住照擺街站,搞到咁尷尬(不過佢哋唔怕嘅,佢哋都無恥嘅)。

呀,唔好意思,你唔使提我啦,我唔記得咗仲有個鄭松泰,個街站可能係為 DQ 佢而設嘅。

作者 Facebook

 

发表评论