中央日前宣佈在橫琴設立粵澳合作區，輿論關注合作區的發展方向及言論自由，例如未來在橫琴能否自由上網？澳門特首賀一誠聲稱，日後人們在合作區內不需要翻牆，這樣才可以便利科研人員進行資料搜集，但反對中共及黃色資訊則例外。
中央政府周日 (5 日)正式公佈《橫琴粵澳深度合作區建設總體方案》，在橫琴設立粵澳深度合作區，推動中醫藥研發製造等健康產業、現代金融、高新技術、會展商貿和文化體育等產業發展。佔地 106 平方公里的合作區，主要由粵澳雙方共同管治。
「澳門收得到 個邊一樣收到」
賀一誠今日出席合作區方案新聞發佈會時，有記者提問，在合作區的上網空間如何，是否可使用 facebook？賀一誠稱，他去年在北京曾花了長時間討論過此事，答案是：「我哋喺度係一個特別嘅區，唔需要翻牆嘅，係可以 facebook，所有嘢我地都係收得到嘅，除非你係嗰啲好反對中國共產黨嗰啲嘅、政治上面嘅、有關嘅黃色等等，我地係有所防備。」
他續說：「正常嘅，我哋嘅一般嘅網絡上面嘅交往，喺呢個區係不受限制。喺澳門收得到嘅，喺嗰邊一樣會收得到。」他解釋，這個案排方便澳門科研人員在合作區進行資料搜集，「唔係我哋變咗好多資料攞唔到」，並形容「呢一個係好特別嘅政策」。
「你對橫琴冇信心 我唔會一定要你去」
《論盡媒體》記者問，自從民主派候選人參選立法會選舉被 DQ 後，澳門人對一國兩制存疑，澳門人在一國兩制下的自由及權利是否可以在橫琴合作品機制下得到保證？賀一誠稱，澳門不能將自己的思想駕馭他人，「你對佢(橫琴)冇信心嘅，我都唔會話一定要你去橫琴發展，任何嘢都係一個自願嘅形式。」
賀一誠續說：「我哋唔需要樣樣都以政治角度作一個判斷，任何政治嘅唔同觀點，我哋都尊重，呢個就係自由。我哋尊重任何人嘅政治觀點，我哋唔會強迫我哋嘅政治觀點擺喺你嘅上面，你又唔一定將你嘅政治觀點強加於我哋嘅上面，呢個就係澳門嘅自由。我哋係一個自由嘅地方，我哋係冇任何嘅強迫性嘅，所以我諗你頭先所講嘅問題，唔係代表住澳門全體居民有關嘅思維。」
至於澳門龍頭企業博彩業，會否在橫琴發展？賀一誠表明，中國憲法列明，中國境內不會有博彩業發展，只有澳門可以發展博彩業，「博彩一定喺澳門」，但澳門博企仍可在橫琴發展其他項目。
