元朗區議員伍健偉不滿何君堯多 Like 揚言一週內不超越即辭職 被其他民主派轟情緒勒索

0
296

警方昨日(26 日)就去年「7.21 元朗襲擊」採取行動,以涉嫌暴動罪拘捕立法會議員林卓廷,曾於事發當日跟「白衣人」握手,一直指林卓廷當晚率眾入元朗「搞事」的立法會議員何君堯讚揚警方決定。地區政團「天水連線」元朗區議員伍健偉昨晚說,發現何君堯 FB 專頁有接近 14 萬人讚好,為此感憤怒並訂下限期:如果伍健偉專頁在一週內讚好數都無法超越何君堯,他就會辭去區議員職務,「日後絕不從事任何政治工作,我會返去做返港豬同埋等差佬濫捕我。」今天中午截稿前伍健偉專頁已急增至有 9.6 萬人讚好。

雖然伍發帖後專頁讚好數字急升,但部分政圈中人,包括元朗區議員王百羽等亦不同意其所為,認為其議席是受到居民授權,不應該以專頁讚好數字作為去留賭注。

伍健偉:無法接受港人「最支持白衣暴徒」

伍健偉昨晚 11 時在專頁發布置頂帖文,表示出席完元朗區議員回應林卓廷遭濫捕的記者會後回到辦公室,看到港台電視播出〈延後之戰〉節目,並且介紹多名政治人物的專頁讚好數字,提到何君堯專頁有 13.8 萬人讚好。伍健偉說,「最多人 like 的新界西政治人物竟然係何君堯呢個仆街,我作為一直堅信自己係代表[真。香港人]的代議士,無法接受香港呢個地方最支持的竟然係白衣暴徒。」

稱一週後不達標即辭職「做返港豬」

伍健偉接著表示,「由今日 8 月 26 日 23:00 開始起計一星期,如果本人專頁的支持者仍低於何妖(138,542 讚好者)。本人將辭去區議員職務,日後絕不從事任何政治工作,我會返去做返港豬同埋等差佬濫捕我。」伍並且說,如果因為《國安法》和武漢肺炎無法搞到實體公投,「我決定用 LIKE 去賭一場屬於 7.21 的公投,到底香港人係相信白衣人無差別恐怖襲擊,定係信左何妖同差佬講林卓廷帶隊去元朗,互相毆鬥」,「如果著黑衫當表態支持抗爭者,咁我要你地 Like 就當係收子彈,我參選係為左代表香港人發聲」,又指「如果香港有二百萬人,我要十萬人表態其實唔過份」。

杜汶澤留言「響度扭計」   網民:朱凱廸更多 Like

伍健偉的帖文發布後隨即被廣傳,原本不過萬的讚好數字,經過一晚後亦急升至超過 9 萬。雖然不少人已經畀 Like 表態,但是亦有不少網民和公眾人物留言批評。油尖旺區議員林兆彬說,「搞公投唔緊要,點解要拎個議席去賭,咁樣真係對得住投票畀你嘅人?」藝人杜汶澤留言說,「正經啲啦,響度扭計,仲細咩你?起身返工啦!」有網民表示自己已經跨區讚好,但不認同伍的做法,「你話唔做,咁你點代表選你入去嘅人繼續發聲?你點不滿都要對選你入去嘅市民負責」;另外又有網民表示,新界西選區政治人物當中,獲得最多讚好的根本不是何君堯,而是朱凱廸,有 17.7 萬人讚好。

王百羽批情緒勒索   「原來無諗住真係辭職」   伍健偉拍檔反駁指控

部分元朗區議員亦不值伍健偉所為。王百羽在 Facebook 形容,伍健偉的行為是「情緒勒索去呃大家 like 自己 page」,並指「同事之間問返又賣關子原來無諗住真係辭職嘅」。王百羽批評,「係咪食開人血饅頭以為次次冇人出聲就可以咁食法?」又指如果要賭,「就賭自己條命」,伍並無資格拿自己的議席作為賭注。

跟伍健偉同屬「天水連線」的區議員林進說,雖然不認同伍健偉的做法,但仍會尊重他的決定,「其實呀 k 都係想話比香港人知『我哋一怯,就會輸』,只要每人行多一步,離開自己嘅 comfort zone,一定可以令香港重光」。不過林進表示不同意王百羽的言論,並且發帖質問,「你憑咩認為佢會唔辭職呢?」「 『食開人血饅頭』係咩意思?『次次』又係咩意思?我諗你需要同公眾好好解釋下,佢點食法?」

張秀賢:絕不胡亂作出政治承諾

在元朗區議會作為「721 工作小組」主席的張秀賢就在專頁表示,自己在政圈社運圈超過 10 年,一直以來參與政治或社運都係建基於自己的理念同信念,而非 Like 數行先,「如果唔係,個 Page 唔會咁多年都 4 萬 like 都未到」,又指當選區議員以來一直希望帶來改變,但是昨日的濫捕令他感到羞恥,「唔只係因為警黑勾結,而係因為我哋民主派冇辦法令事情變好,反而事件變得愈來愈壞。作為 721 工作小組主席,我難辭其咎。」

張秀賢說,他在未來一段日子會繼續努力工作,跟民主派議員一同努力,「如果我冇辦法做好,或者街坊覺得我不再勝任,喺未來我一定會知所進退」,「但係,我唔會胡亂作出任何政治承諾,因為我做所有嘢,講每一句說話,都要對得到自己,亦都要對得住街坊。我最憎啲亂開空頭支票,政治立場不斷變化嘅政棍,而我做咗呢啲人嘅話,請拉我落嚟。」

另外,又有網民指伍健偉其後在 Facebook 表示,覺得「一人捐一蚊」的提議亦不錯,接著就提供了 PayMe 連結,不過連結後來又不再有效。

今日開完[好嬲好嬲]記者會之後,返到Office睇到RTHK【延後之戰】的節目,最多人like的新界西政治人物竟然係何君堯呢個仆街,我作為一直堅信自己係代表[真。香港人]的代議士,無法接受香港呢個地方最支持的竟然係白衣暴徒,所以我將有以下決…

其實講like數 八鄉朱凱廸 Chu Hoi Dick 先係新西政治人物page最多like(~18萬),不過見到伍健偉因為自己page like…

雖然我唔認同,但我尊重你既決定💪🏻💪🏻💪🏻 其實呀k都係想話比香港人知 「我地一怯,就會輸」,只要每人行多一步,離開自己既comfort zone,一定可以令香港重光。 #香港人歸隊 https://www.facebook.com/2354413427970468/posts/3272943472784121/?extid=tGhTrKccokZ7mGN9&d=n

王百羽 Henry Wong – 王伯 我都唔認同呀k既做法,但你憑咩認為佢會唔辭職呢? 都算,我剩係想問 「食開人血饅頭」係咩意思? 「次次」又係咩意思?我諗你需要同公眾好好解釋下,佢點食法?我建議你唔好等人出聲啦,自己出聲啦 #非分化 #求明白

有話直說,如有得罪,多多包涵。 我喺呢個圈子都超過十年時間,一直以來參與政治或社運都係建基於我自己嘅理念同信念,而唔係搞like數。如果唔係,個Page唔會咁多年都4萬like都未到。 自從舊年參選到當選,今年做左8個月區議員,我一直都…