【立法會爭位】謝偉銓已棄居英權 稱與參選無關、符愛國者標準: 我係全國政協仲唔愛國?

0
100

立法會選舉將於下月 19 日舉行,中央及港府一直強調「愛國者治港」;將爭取連任「建築、測量、都市規劃及園境界」的謝偉銓早前承認自己有居英權,強調「(國籍)唔會影響你去效忠、睇你表現嘛」(見另稿)。事隔 3 個月,謝偉銓今( 2 日)出席《明報》選舉論壇時表示,已於參選前向英方提出放棄居英權,強調自己符合「愛國者」標準;他之後回覆《立場》查詢時強調決定與參選無關,放棄居英權皆因作用已不大;又重申自己「愛國」,「我當然愛國啦,大家睇到。我係全國政協仲唔愛國?」

謝偉銓接受《立場》訪問時強調,放棄居英權與參選完全沒有關係,「純粹係個人決定,唔會因為選舉這個問題…因為大家知道功能界別,在《基本法》裏面列明,容許立法會代表可以持有其他國家居留權」。他說按照基本法 67 條,容許兩成議員非中國籍。

他解釋,自己在 1992 年取得居英權,「我不是香港出世,居英權為我到外地工作或旅遊帶來方便,唔使次次辦簽證」,「過去多年大家睇到我的成績,都冇影響我服務香港、國家」。

「決定放棄居英權,因為個作用不大」

謝續解釋,相信自己未來到外地工作的機會很少,而近年特區護照都非常方便出遊;加上因為近十多年內地發展突飛猛進,日後工作上會以前往內地為主,「所以我都決定放棄居英權,因為個作用不大」。他又說,過去曾在英國考得測量師的專業資格,多年前也已放棄。

對於持外國護照是否符合中央提出的「愛國者」標準,謝強調「我當然愛國啦,大家睇到。我係全國政協仲唔愛國?完全事實係說明一切」。

被問到為何臨近選舉才申請放棄居英權,謝解釋是因為過去忙於處理議會工作,「我冇諗到呢樣嘢」;直至近月議會工作接近尾聲,加上臨近選舉坊間亦有提及相關議題,「就突然醒起 check 下護照到期未,原本諗住護照到期唔續;最後索性做埋(申請)」。

9 月曾稱不放棄居英權

而本身是選委會當然選委的謝偉銓,曾在 9 月承認自己有居英權,「我有,我咪講畀大家聽囉」。當時他表示,居英權「唔會影響你去效忠、睇你表現嘛」,亦認為最重要是符合有關的法律規定,「唔會好似無私顯見私咁,人哋講講你就去(放棄)」。不過,他亦稱,如有需要,比如要成為人大,則會放棄居英權。