8.11 上水
街坊夾二千蚊買二百份《蘋果》免費派
疑似「藍絲」（可能係假膠）掉《蘋果》落回收箱
陳小姐：街坊已經執番派畀大家
下午六點，陳小姐與幾位街坊佇立在上水港鐵站旁，拿著一大疊《蘋果日報》「叫賣」：「有冇人未買到呀？」
途人問到幾錢，或因免費而一時錯愕。陳小姐手上的《蘋果日報》很快便派光。
「我地知道今朝返工時間好多人買唔到，所以想幫上班族。」陳小姐與數位街坊湊了二千蚊買報紙，放工後站了兩小時，已將二百份《蘋果》悉數贈予市民。
她強調支持《蘋果日報》的背後，是支持言論和新聞自由。「二三百個警察上門搜查媒體，封館拉人，就好似以前軍隊衝入報社，完全係第三世界先會發生。」
「我知道好多人話《蘋果》係老一輩偏泛民，新一代年青人對《蘋果》未必有好感。但係邊度有打壓，邊度就有支持。就算我唔係咁鍾意黎智英本人，但我都會盡我能力支持佢。」
今朝有疑似親政府「藍絲」將一疊《蘋果日報》扔進回收箱，位置就在上水港鐵站的追思牆。陳小姐說有心人已立時拾回報紙派給街坊，「希望大家唔好做啲咁浪費嘅行為。」
作者 Facebook
