今日法庭用VR系統模擬尚德停車場現場，是香港法庭歷史上首次。在布幕前，周媽媽捉住先生的手臂，二人站在一齊，觀看事發現場環境。
庭後，周爸爸留步告訴記者，自己在死因庭開始之後，多次回到停車場做調查。「不斷想了解多啲，不斷想了解多啲。」太太也有陪同數次。
開庭超過 20 天，周媽媽常在庭上拭淚，每次雙眼腫脹得厲害。饒是如此，她從未缺席。
對於法庭因事休庭一週，周爸爸說，自己「仲繼續努力」。
「睇下可唔可以喺呢一個禮拜，搵到啲新嘅證供，例如可唔可以再搵到啲證人出來。唔會話呢個禮拜喺屋企休息㗎，對於我來講。」
「分分鐘我今晚返去都會好努力㗎。」周爸爸說。
他不止繼續呼籲更多現場人士提供資訊，甚至背出閉路電視裏某幾個現場人士出現的時間點：「我之前話呢，有個綠色衫藍色衫，就係一點零二分，喺低二樓個lift果度，有兩個人企喺度，後面鏡頭睇唔到佢哋（嘅時候）大概係零二分十六秒，如果按照返閃光時間來計係（一點零二分）廿五秒呢，其實佢哋應該仲喺二樓嗰度。可能佢地都係一個關鍵嘅人物。」
「大家都想有個真相」
他也希望一位懷疑在梓樂墮樓時間身處停車場一樓的黑衣人士可以提供資訊。
「好多人都距離個時間好近，希望佢哋畀啲勇氣，出來講下。」他有點不好意思地笑了一下，「大家都想有個真相。有個真相唔係靠把口，大家都要努力。」
「再唔係，你咪 WhatsApp 同我講兩句，話你見到啲咩嘢。我自己堆堆砌砌，可能可以搵到啲比較接近（真相）嘅嘢。」
近日天氣寒冷，西九法庭樓下總刮著冷風，每次步出，周爸爸總是停下，好讓記者們有充分時間拍照。即使離開，他也總會行慢一點。
