入境處日前（ 7 日）被《立場新聞》揭發，有兩名高層官員，涉嫌收受逾 3,000 元禮籃，而未有申報（詳見另文）。前保安局局長黎棟國今日（ 9 日）出席選委界候選人見面會時，被《立場》記者問及對事件取態，他表示，自己任職入境處處長時，不收禮籃，直言「我唔理人幾多錢，呢個係我嚟講，唔係幾多錢嘅問題」。
友好協進會今早舉行第二輪選委界候選人見面會，會後《立場》向候選人之一的黎棟國，問及入境處一事的看法。對於任處長時，有否曾收取果籃，黎棟國直指「我呢啲嘢唔收」，他續說：「我唔理人幾多錢，呢個係我嚟講，呢個唔係幾多錢嘅問題」；而問及他在任期間，這是否常見現象，他表示「我哋全部都係根據政府規矩去做事，至於今次嘅事情係點，當然你喺入境處做咗一個調查，然後先知道如何；涉事官員做咗一個解釋，然後到調查的地步」。他認為需要時間了解。
至於需否成立獨立委員會調查事件？他認為港府有清晰規定，並要視乎調查結果，「究竟會唔會涉及其他方面呢？如果涉及甲嘅方面，我地有甲嘅方式跟進，乙有乙嘅方式跟進，就唔係話咩事都要整個委員會，查都未查，整個委員會出嚟做咩呢？範圍係咩呢？呢個時候，如果咁快跳去另外一個點呢，我覺得唔適合。」
黎棟國目前以新民黨名義，參選今屆立法會選舉選委界別。他曾於 2002 年至 2008 年期間，擔任入境處處長；2012年起接替保安局局長一職。而他昨日曾接受《立場》訪問時，指有關事件應交由入境處處長處理，「最緊要睇事實啫，一切以事實為依歸。」
