初選投票,瓦解北京大外宣

0
117

一直以嚟,無論係曾國衛暗示初選可能會違法,定或係噚晚警方「直搗黃龍」,衝上香港民意研究所搗亂,都睇到北京非常忌諱初選。

點解?因為一場成功嘅初選,係會令北京大外宣失效。

綜觀呢幾日北京爪牙上國際媒體嘅節目,為國安法辯解嘅進路不外乎係話國安法各個國家都有、大多數市民厭倦政治衝突、國安法無侵害到香港人人權。

但如果今日有超過四五十萬人出嚟,龐大嘅民意令到每個票站都打蛇餅,相等於全港有超過二百個遊行示威,絕對可以直接將香港人反對國安法嘅訊息帶出。

再者,依然黑警行事邏輯,今日必然會有一啲票站被騷擾,連投票咁絕對「和理非」嘅行動都招致政府打壓,一向習慣以投票解決問題嘅西方民眾就會有更大反彈,直接否定咗政府嗰種「國安法保護人權」嘅謊言。

人多就係力量,我地大家都見到上年十一月區議會投票盛況係點吸引到外媒報道,直到今日,區議會嘅選舉結果都係運動得到民意支持嘅重大佐證。

去到今日,你都有一個機會破局,一個機會製造燙手山芋俾北京。

出嚟啦,拉埋親朋戚友,投票。

 

作者 Facebook