政府要求區議員宣誓效忠，至今有逾 30 名民主派區議員表態辭職，黃大仙竹園北區議員鄭梓健今（24 日）宣布辭職，指在國安法生效後，眼見各名「手足」入獄，「宣誓更尤如一把利劍掛係頭上 ，最終都係敵唔過恐懼」，所以決定辭去黃大仙區議員一職，「我都唔知之後可以點」，但會努力成為更勇敢的人，「以待將來再有我能夠獻身嘅時候」。
鄭梓健今午在 FB 發文「遺憾未能完成任期」，指最初係希望可以將代表香港人的聲音帶入體制，利用民選議員身份協助立法會選舉、爭取選委議席，從而影響特首選舉，「既然大家都認為選舉之路未盡，不如試吓」，但結果議會運作被政府以各種行政手段阻撓，選舉制度亦被更改，「當初想做嘅嘢全部落空」。
而在國安法公布後，他將「我們唯一需要恐懼是恐懼本身」轉為社交媒體封面照片，除了鼓勵人亦是提醒自己，「因為我怕 怕會從此失去自由」，但最終他亦不敵恐懼，決家辭去區議員一職，並為此致歉，指明白區選勝出「絕唔會係因為大家認同我嘅能力」，而是選民認為良知比其他事更重要，他自問一直做得未夠好，仍感受到街坊支持及包容。
