有線新聞部今日裁員，消息指約 40 人被裁，包括中國組助理採訪主任黃麗萍，中國組主管司徒元連同該組所有記者共 10 人總辭抗議。黃麗萍表示，事前已有裁員風聲，主管司徒元表明中國組「如果炒一個」就會辭職，其他同事商量過亦有一致決定，「大家係無壓力係自己嘅意願」；她指對公司的做法失望憤怒，指有線中國組在內地疫情最嚴重、其他電視台撤退時，仍留守武漢，「我哋係比人更努力，但公司無重視過我哋嘅努力。」又指自 4 名新主管空降，有如「今日割五城明日割十城」，倒不如「引刀成一快」。
黃麗萍下午離開公司時和中國組同事一同見記者，她表示同事間事前已商量過，若有任何一個中國組同事被裁，就會跟隨主管司徒元總辭。她指整個裁員過程，新聞部高層「無問過我哋」，無和各組主管商討，「只係突然今日公布炒咩人」，同事感失望憤怒。她又表示整個行業都面對類似的困境，「想做新聞嘅人，俾一啲唔係做新聞嘅人 lead 住。」
她指公司經營狀況一直欠佳，經歷疫情打擊，本身已經低薪的同事待遇再惡化，疫情後更要放無薪假，但因「真係好鐘意」所以繼續留任，即使內地疫情最嚴重時，中國組仍有記者留在武漢，廣州亦有派員到野味市場，「當其他台撤退嘅時候我哋都繼續」，形容有線中國組「比人更加努力」，但公司並無重視。
她又質疑公司以資源不足為由裁員，但早前就空降 4 名高薪高層，取代原有新聞部主管馮德雄，「點計（人工）都唔會低得過一個馮德雄」，又指四人和新聞部「溝通唔到」，「同新聞部關係好敵對」，形容已經「唔係一個正常運作嘅新聞部模式」，令員工最失望是有如「今日割五城明日割十城」，即使員工如何努力仍難維持原有運作。
黃麗萍指不希望走到總辭一步，「你話要放棄中國組我哋係唔想」，但她作為主管司徒元的副手，「你 cut 咗一個佢左右手，點樣去運作」，情況不斷惡化下，「與其咁樣繼續剝削落去，為咗令大家保持質素，寧願引刀成一快」，已辭職的同事會做到通知期完結，「直到最後一日」。
