人大「完善」香港選舉決定公布後，政制及內地事務局長曾國衞指，有審視是否有足夠法例，處理呼籲投白票，有需要會修例；港大法律系講座教授陳文敏指，在自由選舉中投白票是普遍現象，「好難唔俾人投白票」，又指禁止「宣傳或鼓吹」人投白票，「要做一定做得到嘅」，但同時可能會出現灰色地帶，「如果我去講，無一個候選人適合，大家跟返自己意願投票，咁又點呢？」
陳文敏今早（５日）在商台《在晴朗的一天出發》中指，選舉是讓選民以選票表達意見，在自由選舉中出現白票非常普遍，甚至有地方的選舉有不選擇任何一個候選人的選項，「都係一種意見表達」，認為難以禁止投白票，「白票同廢票你點分呢又，你話唔俾投空白，佢咪填所有候選人又係廢票，都係一種表達方式」，他認為政府與其花功夫禁止白票，應該反思為何會出現投白票的現象。
陳文敏又指，經人大「完善」選舉制度後，可能令不少有意參選的人意欲下降，選民投票意欲亦會減低，特別是泛民主派過去在社會有一定支持度，若「完善」後的選舉門檻令大部分泛民主派無法入閘，「支持者覺得無一個選得落手咪唔去投」，政府宣稱研究禁止白票，可能是擔心今次「完善」選舉後，投票率創新低或廢票率創新高，「令成個選舉好尷尬，完善咗但係無人投票」。
至於是否有法例可以禁止宣傳或鼓吹投白票，陳文敏認為目前沒有相關法例，但若政府堅決要做，「一定做得到」，不過實際運作上會產生灰色地帶，例如有人呼籲市民無心宜候選人就按意願投票，又或候選人在選舉期間互相攻擊，呼籲不要投票予對手，這些「灰色說話」都有可能變成違法行為。
陳文敏：新選舉制度缺乏透明度
他又指，新選舉制度下設資格審查委員會，但在追溯力部分「講得唔清唔楚」，「講到 2、30 年前講嘅都可能有關，可能嚇怕好多候選人」，進一步減低參選意欲，資委會的決定不能司法覆核，「上訴都唔知可唔可以有」，新選舉制度缺乏透明度，選舉會擴大委任成份，重要性亦提高，環環相扣下可能製造不同既得利益階層，擔憂會出現私相授受甚至賄選等都可能出現，完全破壞選舉。
