坐定定睇哂民主派全個總辭嘅記者會，少少忍唔住講。
我知道志偉係陣營召集人，第一個中文發言好應該。但佢英文麻麻地亦眾所周知，其實佢英文講多次真係幾扣分。
隔咗唔知幾多個之後再兜番來由毛孟靜以英語講話，終於……耳朵一天都光哂。
其實見微真係要知著。而家擺明只餘國際綫，總辭除了對住港人亦對住國際社會，應該要有一個英文了得嘅人講嘢，等外國記者剪片或者無限 loop 都容易啲。
志偉講英文，外國人只會「哦」。印象中郭榮鏗、毛孟靜，就算楊岳橋英文都好得多，而且三人之前位置都足以代表黨團（前內會副主席 / 前黨團召集人 / 第二大黨黨魁），作為英文發言人合情合理，説話動聽自然亦更能爭取外國社會好感。
香港已進入寸土必爭時代多年，國際綫亦開打好耐。哩啲看似小事，但實際上 doesn’t cost you a damn thing 嘅安排，其實係令我同意好多人覺得民主派唔爭氣嘅地方。
餘下日子不多，希望筆者善意提醒及建議能變成動力。大家盡做。
香港人，不熄不滅。
作者 Facebook
