政府今晚 7 時起再於三區「突襲封區」強檢，包括深水埗區 17 棟大廈。梁先生居住於南昌街，在傍晚於北河街及南昌街交界的閘口要求進內，但警方卻指示他要繞過圍封區域，從另一邊方可進入。他背著一個大環保袋，顯得無奈，「佢話唔得就唔得，依家香港啲差人同你都冇商量嘅餘地。」
梁先生說，他在回家前已獲家人告知，居住的大廈被圍封，他說是預料之內，「唔係封深水埗，就可能封太子、旺角，遲早都有呢日」。他說自己雖然有心理準備，但仍擔心明日無法上班。他又說太太在疫情下已失業，家中只有他仍有工作，「如果我唔番嚟，我可以去邊呢？希望佢聽日可以準時解封」。
他又說，他居住的地方，早前有鄰近大廈出現確診個案，他的大廈亦被建議作檢測，他於上週已自願檢測，惟事隔約一週又要再做。他又坦言，其實即使不封區，居民知道風險都會自願檢測或求醫。
晚上 9 時，深水埗居民開始排隊登記檢測，隊伍一度長達十多米。民政事務局局長徐英偉亦曾現身在深水埗「受限區域」內短暫視察。
