高官議員打完阿爺疫苗太興奮，在不准拍照的告示前影相打卡，網上一圖教識你乜嘢叫做香港新秩序，乜人立法無所謂，「法」只對平民規管，「法」對尊貴議員同官員無效，應該通曉法律的律師就在旁哈巴狗式陪笑。每人應印一張係屋企，全民學習香港新秩序，以免誤闖禁區，以高官言行做榜樣，買棺材唔知埞。
現時立法會只有田飛龍口中的忠誠廢物，官員當然無有怕無枉管，自己立例自己破，幾十萬月薪就只有呢啲不識禮義廉的質素，交稅的人真係冤大頭。
高官言行不單令公眾討厭，更加增加下級公務員對上級及體制的篾視，對社會灌輸誰大誰惡誰正確的恐怖意識，對社會的禍害係長遠的。一個有特權階級、無法治意識的社會，就會產生一個小朋友志願係長大做貪官的社會。
日前在太平道見到一堆人從警車中取出布袋禮物影相，原來係「動物守護・社區大使」的人影相，既然係香港新秩序，當然無犯四人限聚令啦！
