【施政報告】葛珮帆又提「辱警罪」:警員話一日未立法都唔夠有尊嚴

0
55

特首林鄭月娥昨日 (6 日)發表任內最後一份施政報告,她今日 (7 日)在立法會出席行政長官問答會。民建聯葛珮帆又提「辱警罪」,要求特首加快推動立法;林鄭答允跨局研究,包括法例適用範圍。工聯會黃國健則形容「北部都會區」不踏實,因工程推展時間太長,林鄭則反指 20 年「唔係好長」,但答應會改革行政機制。

民建聯葛珮帆提出,近年來見到警務人員經常在工作時候被辱罵,就連最近殉職的警員也被侮辱,有損警務人員尊嚴及權威,亦增加執法難度。她表示,過去一直提倡政府參考其他先進地方,包括法國、新加坡及澳門等,禁止侮辱他人的行為,並對侮辱公職人員施加較重刑罪,「噚日你讀完呢個施政報告之後,即刻都有啲警務人員同我講,就係話一日未有呢條法例呢,佢哋都覺得唔夠有尊嚴,同埋亦都唔安心,所以我都好希望特首盡快去做」。

林鄭:正研究適用範圍

林鄭回應稱,她也覺得要認真研究,但未寫入施政報告,因為政府正研究法例適用範圍,「係咪真係局限喺公職人員?如果係,嗰個牽頭局長就應該係公務員事務局局長,因為唔應該淨係紀律部隊吖嘛,我哋有好多食環署嘅督察都會俾人侮辱,我哋地政總署好多去收地,根本就肢體都會有衝突」。她續說,最近留意到新加坡新訂法例,侮辱罪包涵私人保安員,所以政府需時研究法例覆蓋範圍應有多闊,下屆向立法會匯報。

林鄭又稱,法例只是手段,社會最好的境況就是自覺,「咁所以你要留意喺施政報告裏面,有關教育嘅部分,我自己特別加強咗一段就係家長教育…而且教育唔係淨係學校嘅責任,家長有責任,社會有責任,傳媒有責任。」

黃國健:北部都會區「唔係好踏實」

工聯會黃國健則就「北部都會區」計劃提出質詢,形容閱讀過施政報告後感覺鼓舞但又「唔係好踏實」,認為工程推展時間太長,擔心工程或未能依期完成,建議當局制定分階段時間表,讓社會監督進度。林鄭月娥表示,「北部都會區」發展策略
滾動的十年進度計劃,每年都會更新往後 10 年的進度。

新民黨容海恩就批評,施政報告有願景,但未有細節,似遙不可及,期望特首「接地氣」,關心各階層市民,包括中產及專業人士。林鄭稱,深圳前海以至大灣區均需要專業服務,是香港專業人士的最大契機,如果數月後中央有惠港政策,亦會帶來契機。

林鄭:通關會是相當長的過程

民建聯黃定光關注,香港何時才可與內地通關。林鄭直言,現時難以談及時間表,要視乎內地如何看香港防疫工作,以及如何應對通關風險,而通關會是相當長的過程,並且「逐步、有序、有配額」。

保險界陳健波則關注政府文書行文,稱有意見指中文行文方式「好有問題」,當局或受港英時代以英文為主,「中文文稿寫得又長又譖氣,甚至英文直譯,或者寫到法律條文,好多人根本睇唔明」。林鄭則指,只能讓大家各自努力,「個個都一把年紀,要佢哋重新學習就有難度」。但她稱,鼓勵文件先以中文草擬,而文宣工作做得不好亦會影響很大。

发表评论