壹傳媒創辦人黎智英 2017 年參與六四集會期間，被指在維園內恐嚇一名《東方日報》男記者，稱「我實搵人搞 X 你！」。他否認一項刑事恐嚇罪受審，裁判官鍾明新早前裁定案件表面證供成立，今日（3 日）在西九龍裁判法院裁定罪名不成立。
控方案情指，黎智英於 2017 年 6 月 4 日，在銅鑼灣興發街 1 號維多利亞公園內近音樂亭，曾經指住事主 X，非常大聲地鬧：「我 X 你老母 X，我實搵人搞 X 你！你唔好咁近影我，我實搵人搞 X 你！我講畀你知我影 X 咗你相，我實搞你！」又多次指罵 X「我 X 你老母 X！」，威脅 X 會使其人身遭受害，意圖使 X 受驚。
X 事後接受精神科治療，證實患上適應障礙症併發憂鬱情緒（adjustment disorder with depressed mood）。
黎智英與警方進行錄影會面時，承認曾於案發當日鬧 X「我 X 你老母呀」、「我搵人搞你」，但解釋「搞」是指申請法庭禁制令、報警、找律師，又稱「當下冇諗咁多」。
黎又指，X「成日用相機兜囗兜面『嚓、嚓、嚓』…… 成日搞我」，形容「呢個人呢幾個月好 aggressive （進取）」。黎強調，當日只是衝口而出，「我斯文人，點會用黑社會搞佢，我從來都冇搞過人」。
事主早前獲批匿名令，以 X 代名，但匿名令並不包括其仼職機構，只針對身份及個人背景。
案件編號：WKCC956/2020
