資格審查委員會裁定熱血公民前立法會議員鄭松泰的選委會候選人資格無效，並即時喪失現屆議員資格，身兼資審委主席的政務司司長李家超更不點名指稱有人「嘗試假扮擁護或效忠」。鄭松泰回應稱：「係唔係假扮，時間可以證明。」立法會議員謝偉俊則引述一條曾經流傳的聲帶，指稱鄭松泰曾親口承認要欺騙選民，假扮本土派。
李家超昨日 (26 日)交代 DQ 鄭松泰時指出，對方不符合擁護基本法及效忠香港特區的條件，又說「嘗試假扮擁護或效忠嘅人，係唔會畀佢哋以花言巧語為自己漂白，因為騙徒最叻就係扮不同角色。」
鄭松泰在今早 (27 日)的港台節目《千禧年代》上回應稱，「假唔假扮帶有主觀判斷」，所謂愛國愛港指標因應環境有變，認為資審委就他作出的判斷，是「最安全判斷」，至於「係唔係假扮，時間可以證明。」
謝偉俊：佢親口承認要欺騙選民
鄭松泰因為登記選委會候選人資格而失去議席，他形為為「有少少覺得奇怪」，但心理上己有一定準備。他表示，資審委沒有提供 DQ 的理解，「具體因為乜嘢我都不是太清楚，我相信同個別事件無關，純粹個人判斷，我諗係我曾經要求改變制度，例如修改基本法，可能今日眼光來睇係有問題。」
同一節目上，議員謝偉俊回應李家超「假扮」論時指出，這是他說話的一貫特色，措詞強硬，未必是針對鄭松泰個案。但他補充，鄭松泰一向予人感覺「比較特別」，又引述一條曾經流傳的聲帶指：「佢親口承認，佢都係要欺騙啲選民，要假扮本土派。」謝偉俊續說：「可能佢好似啲烏賊咁，本土派裏面扮本土派，喺建制派裏面佢就扮啲溫和，甚至有個講法話仲溫和過我添。」他說不知道這是否李家超所說例子。
港澳辦主任夏寶龍曾聲稱，「愛國者治港」絕對不是要搞「清一色」，中央包容對國家存在成見的人。謝偉俊認為，鄭松泰只係代表一種顏色，「甚至可能喺唔同環境下唔同顏色，但係唔等於呢個個案被 DQ 就冇咗其他雜色，事實上如果唔要呢種不斷變色嘅做法，可能比較清純嘅色嘅話，仍然容許唔同顏色喺唔同嘅政治光譜裏面繼續為香港市民服務。」
